Almaty bazarynda órt boldy
ASTANA. QazAqparat - Almatydaǵy «Jetisý-Semıreche» bazarynda iri órt boldy, dep habarlaıdy «QazAqparat» HAA tilshisi.
Almaty TJD resmı ókili Sandýǵash Baımuhambetovanyń aıtýynsha, Túrkisib aýdanynda «Jetisý-Semıreche» bazaryndaǵy konteınerdiń janyp jatqany týraly habar 13 saǵat 15 mınýtta túsken.
«Oqıǵa ornyna 13:25-te kelgen órt sóndirýshi-qutqarýshylar bul aqparatty rastady. Іshinde turmystyq zattar bar úsh konteıner janyp jatqan. Órt saǵat saǵat 13:39-da sóndirildi», - dedi Sandýǵash Baımuhambetova.
Qýanyshqa oraı, eshkim zardap shekpegen. Tilsiz jaýdy sóndirýge jeke quramnyń 30 adamy men 5 tehnıka jumyldyrylǵan.
