Almaty bazarynan 30 000 bótelke alkogol tárkilendi

 ALMATY. QazAqparat - Almatyda 30 000-ǵa jýyq alkogoldi ishimdik aınalymnan alynyp tastaldy. Qoldan jasalǵan ónimder Almaly aýdanynda ornalasqan bazardan tabyldy, dep habarlaıdy QazAqparat qalalyq memlekettik kirister departamentiniń baspasóz qyzmetine silteme jasap.

«Departament qyzmetkerleri bazardan 30 000 bótelke alkogoldi ishimdikti aınalymnan aldy. Bul ónim qoldan jasalǵan. Jalǵan baqylaý markalary japsyrylǵan.  Sonymen qatar, jetkizýshilerde  arnaıy lıtsenzııa bolmaǵan. Qazir atalǵan derek boıynsha QR QK 214-babynyń 1-bólimine sáıkes qylmystyq is qozǵaldy», - dedi departament basshysynyń orynbasary Qanat Baltabekov.

Jalpy alǵanda, jyl basynan beri quny 720 mln teńge bolatyn 870 myń bótelke alkogoldi ishimdik, quny 1 754,4 mln teńge bolatyn 13908 tonna munaı ónimi, 250 myń qorap temeki tárkilengen.

Tek tamyz aıynda ǵana 78 mln teńgeniń ónimi aınalymnan alyndy. Atalǵan derekter boıynsha is materıaldary sotqa berildi.

Departament mamandary alkogoldi ishimdiktiń zańdylyǵyn tekseretin Wipon tegin qosymshasyn júktep alýǵa keńes beredi.

Qosymshany Appstore men Playmarketten júkteýge bolady.

Aktsızdi markany skannan ótkizgen kezde atalǵan ónimniń zańdylyǵy men tazalyǵy týraly aqparat shyǵady. Skan málimetteri sol mezette QR Qarjy mınıstrliginiń Memlekettik kirister komıtetine túsip otyrady.