Almaty bazarlary jańartylady
ALMATY. QazAqparat- Almatyda saýdany zamanaýı formatqa kóshirý jáne salyq túsiminiń ashyqtyǵyn qamtamasyz etý maqsatynda megapolıstiń barlyq bazarlary jyl sońyna deıin jańaratyn bolady. Taǵy bes bazardyń jańartý jumystary kelesi jyly aıaqtalmaq. Bul týraly qala ákimdigi baspasóz qyzmetinen belgili boldy, dep habarlaıdy QazAqparat tilshisi.
Búgingi kúni elimizdiń eń iri qalasynda 57 bazar jumys isteıdi. Sońǵy bes jyl ishinde qala basshylyǵy «qyzyl jıekke» ornalasqan, sanıtarlyq normalar men megapolıstiń arhıtektýralyq kelbetine saı kelmeıtin 20-dan astam bazardy joıdy. Qazirgi kezde olardyń ornyna júrginshi aımaqtary, qoǵamdyq kólik úshin keńeıtilgen joldar, jer ústi ótpeli joldar paıda boldy.
Degenmen, qalada áli de bolsa saýdanyń kishigirm talaptaryna jaýap bermeıtin bazarlar bar, al kásipkerler konteınerler men dúńgirshikterde jumys jasaýda. Qalany odan ári damytý úshin mundaı bazarlar alynýy tıis. Jýyrda ǵana «Kar Sıtı» saýda ortalyǵy aldyndaǵy 100-den astam saýda men qoǵamdyq tamaqtaný núkteleri joıyldy. «Rahat» bazary mańyn jalǵa berý merzimi aıaqtalysymen onyń aınalasyna qalalyqtar úshin alleıa jasaý josparlanǵan.
«Qazirgi kezde 16 bazardy jańartý jumystary júzege asty, olardyń menshik ıeleri 16 mıllırdtan astam ınvestıtsııa bóldi. Jyl aıaǵyna deıin taǵy da alty bazar rekonstrýktsııalanady. Beseýi modernızatsııalanýda jáne jańartý jumystary keler jyly aıaqtalady», - dep habarlady Almaty ákimdiginiń baspasóz qyzmeti.
Qala basshylyǵy bazarlardy jańǵyrtýdyń birqatar naqtyly sharttaryn belgiledi, ıaǵnı olarda statsıonarlyq nysan mindetti túrde salynýy, obektilerdiń barlyǵy sanıtarlyq -epıdemıologııalyq normalarǵa, órt qaýipsizdigi talaptaryna saı jáne kólik turaǵynyń bolýy, elimizdiń salyq zańdylyǵy qatań saqtalýy tıis, sonymen qatar kásipkerler tirkeýden ótip, POS-termınaldar men kassalyq apparattardyń bolǵany jón.
Bazarlardy modernızatsııalaý qazirdiń ózinde tıimdi bolýda. Sońǵy jylda kóterme-bólshek saýda aınalymy qalada 3,4%-ǵa artyp, 12,8 trln. teńgeni qurady. Buǵan saýda alańyn men saýda oryndarynyń sanyn ulǵaıtý jáne kásipkerler jumysynyń ashyqtyǵyn qamtamasyz etý arqasynda qoljetti.
Aıta keterligi, Almatyda bıylǵy jyly qolaıly qala keńistigin jasaý maqsatynda buryn qaıta jasalǵan Panfılov, Jibek Joly, Gogol, Qabanbaı batyr, Baıseıitova, Tólebaev kósheleri men «Astana» alańynan ózge megapolıstiń birqatar negizgi dańǵyldary jańarady. Ortalyqtandyrý qaǵıdasy boıynsha qalanyń barlyq aýdandarynda 600 aýla qaıta jasalyp, uzyndyǵy 155 km bolatyn 157 kóshe jóndeledi jáne 30 shaqyrymnan asatyn jaıaý júrginshilerge arnalǵan jol salynady.
Avtory: Araılym Joldybaeva
