«Almaty» basketbol klýby óz alańynda Ulttyq lıgadaǵy el chempıonatynyń kóshbasshysymen saıysqa túsip jatyr
ALMATY. 27 aqpan. QazAqparat - Búgin Almatydaǵy «Dostyq» sport kesheninde «Almaty» basketbol klýby «astanalyqtarmen» kúsh synasýda.
Igor Tıhonenko jattyqtyratyn almatylyqtardyń kelesi qarsylasy erteń Aqtaýdyń «Kaspıı» komandasy bolmaq.
Almatylyqtardyń bas bapkeri óz alańyndaǵy bul oıyndarda - Rústem Myrzaǵalıev, Aleksandr Kýznetsov, Roman Kshnıakın, Maksım Marchýk, Maksım Otbozın, Aleksandr Pashkov, Maksım Smırnov, belorýsııalyq qorǵaýshy Sergeı Volk pen «Astana» komandasynan aýysyp kelgen Vasılıı Savchenko men Artem Skornıakovqa jáne Baýyrjan Nurlanuly, Sergeı Shıshkalov sııaqty ózge de qazaqstandyq oıynshylarǵa úmit artyp otyr.
Qazir Ulttyq lıgadaǵy erler komandalary arasynda HH Qazaqstan chempıonatynda 18 oıynnan keıin 36 upaımen «Astana» kósh bastaýda. Odan keıingi orynda «Barystar» (31 upaı), «Tobyl» (25 upaı) jáne «Atyraý» (18 upaı) komandalary kele jatyr. Al olardan 4 oıyny kem «Almaty» 21 upaımen besinshi jáne 19 upaımen «Kaspıı» altynshy orynda tur.
