Almaty bas sanıtarlyq dárigeri: Sarymsaq, lımon, zimbir qanshalyqty tıimdi
ALMATY. QazAqparat – Sarymsaq, zimbir, lımon koronavırýsqa qarsy qanshalyqty tıimdi? Bul jaıly Almaty qalalyq Taýarlar men qyzmetterdiń sapasy men qaýipsizdigin baqylaý departamentiniń basshysy Aızat Moldaqasymova óz pikirin bildirdi, dep habarlaıdy QazAqparat tilshisi.
«Zimbir men lımon dárilik zatqa jatpaıdy. Bul aǵzanyń ımmýnıtetin kóteretin, fýnktsııasyn qalpyna keltiretin tamaqqa jatady. Biraq juqqan aýrýdy emdep jazǵany tájirıbede dáleldenbegen», - dedi ol.
Onyń aıtýynsha, bul zattardy koronavırýstan profılaktıkalyq maqsatta ishken durys.
«Zimbir, sarymsaq, lımon, mıkroelementter, dárýmenderdi aýrýdyń aldyn alý maqsatynda ishken paıdaly. Adamdardyń ımmýnıteti jaqsy bolsa, dert juǵa bermeıdi. Sondyqtan, adamdar oqshaýlanyp, ımmýnıtetin kóterip júrse, óte jaqsy qorǵanys quraly bolady. Halyq medıtsınasynda qoldanylatyn dárilik shópter tek profılaktıkalyq maqsatta ishilýi kerek. Biraq COVID-19 ınfektsııasynan arnaıy vırýsqa qarsy preparattar arqyly jazylady», - dedi ol.
Munyń aldynda Almaty ákiminiń birinshi orynbasary Erlan Qojaǵapanov vırýstan qalaı qorǵanatynyn aıtqan bolatyn.
