«Almaty barysy» týrnıri bastaldy
ALMATY. QazAqparat - Búgin Almatyda qazaq kúresinen «Almaty barysy» týrnıri bastaldy. Dodaǵa 14 palýan qatysýda.
«Osy týrnırde birinshi jáne ekinshi oryn alǵan palýandar «Qazaqstan barysy» respýblıkalyq birinshiligine qatysady. Búgingi saıysqa ótken sáýir aıynda aýdandyq jarystarda top jarǵan 14 palýan qatysýda. Olar «Túıe palýan» júıesi boıynsha baqtaryn synap jatyr. ıAǵnı, munda belgili bir salmaq kategorııalary joq. Tek saıysqa qatysatyn palýannyń salmaǵy 80 kılogrammnan asýy kerek», - dedi Almaty qalasy boıynsha qazaq kúresiniń aǵa bapkeri Ermek Nasıev.
Esterińizge sala keteıik, buǵan deıin sáýir aıynyń ishinde Almaty qalasynda qazaq kúresiniń irikteý jarystary ótken bolatyn. Búgingi týrnırde birinshi jáne ekinshi oryn alǵan palýandar «Qazaqstan barysy» týrnırine joldama alady. Aıta keteıik, «Qazaqstan barysy» respýblıkalyq týrnıri ústimizdegi jyly Astana qalasynda 29 maýsym kúni saǵat 13.00-de «Saryarqa» velotreginde ótedi.
