Almaty «baraholkasynyń» aqsha aınalymy belgili boldy
ASTANA. 7 qarasha. QazAqparat - Dúnıejúzilik bank Ortalyq Azııanyń eń iri bazarlarynda qansha qarajat aınalysta júretinin eseptedi, dep jazady «Bırjevoı Lıder» basylymy.
Zertteý málimetteri boıynsha, eń úlken jyldyq aınalym Bishkektegi «Dordoı» bazarynda eken. Ol 2 mlrd. 842 mln. dollardy quraǵan. Ekinshi orynda Almatydaǵy «baraholka» bazary - onyń enshisinde 1 mlrd. 742 mln. dollar bar.
Jalpy Qazaqstan boıynsha, jyldyq aınalym 2 mlrd. 154 mln. dollar, Qyrǵyzstan boıynsha 3 mlrd. 647 mln. dollar, al Tájikstan boıynsha - 256 mln. dollar.
«Dordoı» men almatylyq «baraholka» Qazaqstan men Tájikstan bazarlarynyń negizgi taýar jetkizýshisi bolyp tabylady. Al bul eki iri bazardaǵy taýarlar negizinen Qytaıdan tasymaldanady. Basylymnyń atap ótýinshe, Qyrǵyzstan bazarlaryndaǵy barlyq derlik ımporttyq taýarlar qytaılyq óndiristen shyqqan kórinedi.
Dúnıejúzilik banktiń pikirinshe, bazarlar kedeılik deńgeıin tómendetip, qarapaıym halyqqa jumys oryndaryn beredi. Mundaı saýdamen shekara mańyndaǵy árbir úshinshi turǵyn aınalysady.
