Almaty baraholkasynda 3 bazar qaıta jańǵyrtylyp jatyr
ALMATY. QazAqparat – Almatyda Jetisý aýdanynyń ákimi Maqsat Qıqymov baspasóz máslıhaty barysynda baraholkadaǵy 3 bazardyń jańǵyrtylyp jatqanyn aıtty, dep habarlaıdy QazAqparat tilshisi.
Atap aıtqanda, ıAlıan-2 bazarynda aýdany 12 myń sharshy metr bolatyn 400 saýda orny bıyl aqpanda ashylady.
«Rahat-KZ» bazarynda aýdany 6 myń sharshy metr aýmaqta 600 saýda orny jasaqtalady. Jańa bazar mamyrda ashylady.
«Alataý» bazarynyń 4 blogynda 250 saýda orny qosymsha ashylyp, 6 myń sharshy metrge keńeımek. Bul bazardyń ashylýy - shildede
Odan bólek, 400 saýda orny bar «Keremet» jańa saýda úıiniń qurylysy qarqyndy júrip jatyr. Jańa nysan 2020 jyldyń tamyzynda paıdalanýǵa beriledi.
Aýdan ákiminiń aıtýynsha, 3 bazardyń qaıta jańǵyrtý jumystary bıyl aıaqtalady. Qalǵan 5 bazardyń qaıta jańǵyrtylýynyń jobalyq smetalyq qujattamasy ázirlenip jatyr.
«Baısat» bazary da bıyl qaıta jóndeýden ótedi. Bizdiń basty mindetimiz – konteınerler emes, dúńgirshekter salý. Zańsyz konteınerlerden kóleńkeli taýar aınalymyn jaryqqa shyǵarý kerek», - dedi spıker.
Onyń aıtýynsha, aýdanda 941 ónerkásip óndirisi, 37 iri kásiporyn, 904 shaǵyn kásiporyn ornalasqan.
Jetisý aýdany bólshek saýda boıynsha 8 aýdannyń ishinde 1-oryn, kóterme saýda boıynsha 4-orynda tur.
