Almaty baraholkasyna «mına qoıyldy»
ALMATY. QazAqparat - Almaty baraholkasyndaǵy «Kenjehan-2» bazaryna «mına qoıyldy» degen aqparat jalǵan bolyp shyqty, dep habarlaıdy «QazAqparat» tilshisi Almaty ІІD baspasóz qyzmetine silteme jasap.
«Alǵashynda bazarǵa jarylǵysh zat qoıyldy degen aqparat túsken. Atalǵan orynǵa qalanyń jedel qyzmet mamandary jiberildi. Bazar qorshaýǵa alynyp, ol jerdegi barlyq adamdar qaýipsiz jerge kóshirildi. Saǵat 17-45-te tekserý jumystary aıaqtaldy. Nysanǵa jarylǵysh zat qoıylǵany týraly aqparat rastalǵan joq. Jedel qyzmet mamandary keri qaıtarylyp bazar shtattyq rejımde jumys isteı bastady»,-dep habarlady jergilikti ІІD resmı ókili Saltanat Ázirbek.
Qazir atalǵan oqıǵa sotqa deıingi tergeýdiń biryńǵaı reestrine QR QK 273-baby boıynsha tirkelip, polıtseıler telefon terrorısin izdestirip jatyr.
Foto: novved.ru
