Almaty balalar kolonııasynda jazǵy spartakıadanyń saltanatty jabylýy bolady
ASTANA. Tamyzdyń 11-i. QazAqparat /Ǵalymjan Hasenov/ - Búgin Almaty balalar kolonııasynda jazǵy spartkıadanyń saltanatty jabylýy bolady. Bul týraly osy penıtentsıarlyq júıe mekemesinen habarlady.
Kolonııa bastyǵy Omarjan Tohtıevtiń aıtýynsha, saltanatty sharaǵa Almaty qalasynyń Jastar saıasatyn damytý qorynyń dırektory Dáýren Muhamedjanov qatysady.
Qalyptasqan dástúr boıynsha, bul kúni mını-fýtbol, ústel tennısi, kir tasyn kóterý, 100 metrge júgirý sııaqty túrli komandalyq sport túrleri men asyq atý, arqan tartý, buqa tartys sııaqty jekelegen ulttyq sport túrleri boıynsha jarystar ótedi.
Jarys jeńimpazdaryn maqtaý qaǵazdary men baǵaly syılyqtar kútip tur. Sporttyq kostıýmder jáne sport jabdyqtaryn satyp alýǵa Almaty qalasy Notarıaldyq palatasynyń tóraıymy K.Qalabaeva bastaǵan kolonııanyń qamqorshylar keńesi demeýshilik kómek kórsetip otyr.
Búgingi saltanatty sharaǵa sondaı-aq «Nur Otan» partııasy fılıalynyń, ádilet departamentiniń, bala quqyqtaryn qorǵaý departamentiniń, túrli úkimettik emes uıymdardyń ókilderi shaqyrylyp otyr, deıdi kolonııa basshysy O.Tohtıev.
