Almaty balabaqshalarynda tárbıeshi tapshy

ALMATY. QazAqparat - Megapolıste mektepke deıingi uıymdarda maman tapshy. Bul týraly Óńirlik kommýnıkatsııalar qyzmetinde ótken brıfıngte Almaty qalasy Bilim basqarmasynyń mektepke deıingi bilim berý bóliminiń basshysy Álııa Saǵıeva málim etti, dep habarlaıdy QazAqparat tilshisi.

«Tárbıeshiler tapshylyǵy shamamen 35-40 paıyzdy quraıdy, onyń ishinde mamandandyrylǵan mektepke deıingi bilim berý uıymdary bar, sonymen qatar logoped, defektolog, mýzykalyq jetekshi, medbıke, esepshi, tárbıeshi kómekshisi sııaqty mamandar qajet», - dedi Álııa Saǵıeva.

Sonymen qatar, ol qalanyń ortalyq aýdandarynda balabaqsha salýǵa jer tapshylyǵy da ózekti másele ekenin atap ótti.

«Bul jaǵdaıǵa jeke mektepke deıingi uıymdardyń memlekettik bilim berý tapsyrysy aıasynda jumys isteıtin bıýdjettik qarajatty jalǵan eseppen toltyrý, basqa óńirlerde turatyn balalardy balabaqshaǵa joldama alý saldarynan ıgerip alýy da keri áserin tıgizýde»,- dedi ol.

Buǵan deıin bilim basqarmasynyń ókili Almatyda balabaqsha kezeginde 43 myńnan astam bala turǵanyn aıtqan bolatyn.