Almaty balabaqshalarynda oryn jetispeýshilik máselesi jaqyn 3 jylda sheshimin tappaq
ALMATY. Jeltoqsannyń 2-si. QazAqparat / Ádilet Musahaev / - QR Bilim jáne ǵylym mınıstri Janseıit Túımebaev Almatyǵa jumys sapary aıasynda qala ákimi Ahmetjan Esimovpen mektepke deıingi mekemelerdiń damý barysymen tanysty,
dep habarlaıdy QazAqparat.
Qazirgi kúni Almatyda mektepke deıingi mekemeler balalardyń 62 paıyzyn ǵana qamtamasyz etip otyrsa, 22 myń bala kezek kútýde.
Kóptegen balabaqshalar jekeshelendirilip nemese jeke menshik uıymdarǵa uzaq ýaqytqa jalǵa berilgen. Keri qaıtarý isi boıynsha 2008 jyldan beri 4 balabaqsha qaıtarylyp, 700 balaǵa oryn tabylǵan. Osy ýaqytta qalalyq bılik jeke menshik uıymdarǵa berilgen ǵımarattardy qaıta satyp alý isimen aınalysyp jatyr. 2010 jyly burynǵy 5 balabaqsha qaıtarylyp, 1300 balaǵa oryn tabylady dep kútilýde. Sonymen qatar qalada 1200 oryndy quraıtyn 6 jańa balabaqshanyń qurlysy júrip jatyr. Keler jyly taǵy da 1200 oryndy quraıtyn 5 balabaqshanyń qurylysy bastalmaq. Búgingi kúni mektep jasyna deıingi 4 jańa jeke menshik mekeme jumysqa kirisýge ázir. 2010 jylǵa jeke menshik mekemelermen 600 oryndy quraıtyn 10 balabaqsha ashý josparlanýda.
Osy jyldyń qańtar aıynda Alataý aýdanynda №161 balabaqsha ashylǵan bolatyn, bul Almatyda sońǵy 20 jyldyń ishinde birinshi ret salynǵan mektep jasyna deıingi mekeme bolyp tabylady. 120 orynǵa arnalǵan bul balabaqsha «Shańyryq» yqsham aýdanynda ornalasqan. Ondaǵy tárbıe berý isteri memlekettik tilde ótkiziledi jáne barlyq talaptarǵa saı.
Ákimniń aıtýynsha, qurylys qarqyny osylaı júretin bolsa, balabaqshalardaǵy orynnyń jetispeýshilik máselesi jaqyn 3 jylda sheshilmek.
