Almaty balabaqshalary balany týystaryna senimhat kórsetken kezde ǵana beredi
ALMATY. QazAqparat - Almaty balabaqshalary balany týystaryna notarıaldy kýálandyratyn senimhatty kórsetken kezde ǵana beredi, dep habarlaıdy QazAqparat tilshisi.
Balabaqshadaǵy balany ata-anasy alý kerek. Týystary kelgen jaǵdaıda qoldarynda mindetti túrde notarıaldy senimhaty bolýy tıis. Mektepke deıingi mekemelerde bul úrdis burynnan bar. Alaıda, balabaqsha basshylyǵy men tárbıeshiler ata-analardyń suraýy boıynsha ruqsat etip júrgen.
«Balabaqshadan kishkentaılardy ata-anasy alý kerek. Bul talap burynnan bar. Kóp jaǵdaıda ata-analar tárbıeshilerge qońyraý shalyp balalaryn týystaryna nemese tanystaryna berýin suraıdy. Ata-analardyń jaǵdaıyna túsinistikpen qaraǵan balabaqsha qyzmetkerleri kelisedi. Endi, oǵan qatań túrde tyıym salyndy. Biz balalardy qorǵaýymyz kerek. Sondyqtan, búginnen bastap búldirshinderdi týystary tek notarıaldyq túrde kýálandyratyn qujatty kórsetken kezde ǵana alýǵa quqyly», - deıdi Almaty qalalyq bilim basqarmasynyń bólim basshysy Álııa Saǵıeva
Esterińizge salaıyq, keshe Almatyda balabaqshadan bala urlamaq bolǵan áıel ustaldy. Kúdikti sol mektepke deıingi bilim berý mekemesiniń tárbıeshisi bolyp shyqty.
