«Almaty-Baký» ushaǵynyń jolaýshysy 20 myń evromen ustaldy
ALMATY. QazAqparat - Almaty áýejaıynda «Almaty-Baký» baǵytyndaǵy reıstiń jolaýshylarynyń birinen deklaratsııalanbaǵan aqsha tabyldy. Er adam 7,5 mln teńgemen shekara aspaq bolǵan, dep habarlaıdy QazAqparat tilshisi.
Qalalyq Memlekettik kirister departamentiniń baspasóz qyzmetinen habarlaǵandaı, «Jetisý» kedendik beketindegi tintý kezinde «Almaty - Baký» reısiniń jolaýshysynan 20 myń evro, ıaǵnı 7,5 mln teńge tabyldy. Jolaýshy bul qarajatty, deklaratsııalamaǵan.
«Mundaı quqyqbuzýshylyqpen kúres belsendi júrgiziledi. Jyl basynan beri 17 derek tirkeldi. Jolaýshylar EAEO shekarasyn 247 800 dollarmen, 17 500 evromen, 34 400 qytaı ıýanimen, 276 000 teńgemen aspaq bolǵan», - dedi departamentten.
QR zańnamasyna sáıkes Qazaqstan azamattary 10 myń AQSh dollarynan aspaıtyn somany tirkemeı shyǵa alady. Eger aqsha somasy 10 myń dollardan asatyn bolsa, ony kedendik deklaratsııadan ótkizý shart.
