Almaty azyq-túlikpen qajetti kólemde qamtamasyz etilgen – ákim

ALMATY. QazAqparat – Almaty ákimi Baqytjan Saǵyntaev qala tirshiligin qalpyna keltirý boıynsha jumystardyń barysyn tekserdi, dep habarlaıdy QazAqparat tilshisi.

Sýpermarketterdiń birine barǵan ákim taýarlar assortımentin jáne dúkenderde azyq-túlik qoımalarynyń bolýyn qarap shyqty.

«Búgingi kúni qala azyq-túlik taýarlarymen jáne birinshi qajettiliktegi taýarlarmen jetkilikti kólemde qamtamasyz etilgen. Alańdaýǵa negiz joq», - dedi B.Saǵyntaev.

Almatyda 77 sýpermarket jumysyn qaıta bastady. Sonyń ishinde 39-y – «Magnum» dúkender jelisi, 9 – «Small», 1 –«Toımart». Úsh iri azyq-túlik bazary jumys istep tur. Olar - «Barys», «Almaty 1», «Arystan».

44 janar-jaǵarmaı quıý beketteriniń qyzmeti jandandy, taǵy 25-i jumysyn bastaýǵa ázirlik júrgizýde.

Onymen qosa, 111 dárihana, onyń ishinde 107-si saǵat 08.00 – 19.00 aralyǵynda ashyq bolady. 4 dárihana táýlik boıy jumys jasaıdy.