«Almaty Azyq» seriktestigi kókónis ónimderine aktsııa uıymdastyrmaq
ALMATY. 9 aqpan. QazAqparat - «Almaty Azyq» JShS kókónis ónimderine aktsııa júrgizedi. «Turaqtandyrý qorynyń ónim qorynan azyq-túlik taýarlaryn satý Almaty qalasynyń túrli aýdandarynda ornalasqan 25 saýda pavılondary,
1 áleýmettik dúkeni, 7 avtodúkeni, 1 kóterme qoımasy bar «Almaty» áleýmettik-kásipkerlik korporatsııasynyń enshiles uıymy - «Almaty Azyq» JShS saýda jelisi arqyly júzege asady. Aýa raıy jyly ýaqyttarda ónimdi satý saýda shatyrlary arqyly da iske asyrylady. 2013 jyldyń aıaǵyna deıin korporatsııanyń kóterme-bólshektik jelisin 1000 saýda ornyna deıin ulǵaıtý josparlanýda», - deıdi «Almaty» áleýmettik-kásipkerlik korporatsııasy» Ulttyq kompanııasy» AQ-nyń baspasóz hatshysy Aıdar Kyryqbaıuly. Onyń aıtýynsha, Almaty qalasynyń azyq-túlik taýarlaryn turaqtandyrý qorynyń áreket etýi kezeńinde jalpy kólemi 6 265,8 tonna saýda jasaldy. Sondaı-aq, qoımalarda 9 564,6 myń teńge kóleminde azyq-túlik taýarlarynyń qory bar.
