Almaty avtoparki 10 evakýatormen tolyqty
ALMATY. QazAqparat - Almaty ákimi Baýyrjan Baıbek qalanyń qutqarý qyzmetiniń avtoparkine kelgen «Ssang Young» markili jańa manevrli evakýatorlardy kórdi, dep habarlaıdy QazAqparat tilshisi.
Eýro-6 ekologııalyq synypqa saı 10 arnaıy mashına alynǵan.
Buryn Qutqarý qyzmetiniń balansynda KamAZ jáne MAZdarǵa kólikti tolyq tıeıtin 20 evakýator bolǵan.
Arnaıy tehnıkanyń artyqshylyqtary bar. Olar janarmaıdy az jumsaıdy, aýlalarda, tar kóshelerde, kópir astynda jumys isteı beredi. Evakýator nebári 2 mınýtta 90 gradýstyq buryshta kólik tıeıdi.
Bul aýlalarda órt bolǵanda kólikti evakýtsııalaý ýaqytyn qysqartýǵa, apatty kólikterdi magıstraldi kóshelerden, qar tazartý kezinde qalǵan avtomobılderdi tez arada alyp ketýge, turaqqa durys qoıylmaǵan kólikti tıeý jumysyn jeńildetýge múmkindik beredi.
Byltyr qala bıýdjeti esebinen ІІD qurylymyna 34 evakýator alyndy.
Almaty ákimi sondaı-aq qaladaǵy salynyp jatqan nysandardy da aralady. Shahar basshysy túrli kategorııaly qonaqúılerdi salý Almatynyń týrıstik áleýetin arttyrýdyń mańyzdy bóligi ekenin atap ótti.
Mysaly, Almaly aýdanynda 112 nómirli «Double Tree by Hilton» qonaq úıiniń qurylysy aıaqtalýǵa jaqyn. On qabatty nysan Dosmuhamedov kóshesiniń boıynda.
Qurylys kompanııasy nysanǵa jaqyn ornalasqan úılerdiń aınalasy men aýlalaryn abattandyrady. Óz kezeginde Medeý aýdanynda jalpy alańy 12 myń sharshy metr, syıymdylyǵy 150 nómir bolatyn «Novotel» qonaqúı iske qosylady. Sonyń arqasynda 120 jańa jumys orny ashylady. Almatyda qazir qalanyń qonaqúılerinde 8,5 myńnan astam nómir bar.
