Almaty avtobýstarynyń júrgizýshileri biryńǵaı forma kıdi
ALMATY. QazAqparat - Almatyda qoǵamdyq kólik júrgizýshileri biryńǵaı jańa forma kıdi, dep habarlaıdy QazAqparat tilshisi.
Qalalyq ákimdiktiń baspasóz hatshysy Tımýr Bazarbaev áleýmettik jelide habarlaǵandaı, 400 júrgizýshige jańa jumys formasy taratyldy. Buǵan qarajatty avtoparkterdiń ózderi bólip otyr. Kıimder qysqa arnalǵan. Іshinde shalbar, jeńi uzyq kúrte, pýlover, jyly kýrtka bar.
Aıta ketý kerek, Baýyrjan Baıbek búgin Almatyda qoǵamdyq kólik ınfraqurylymyn aralap kórgen bolatyn.
