Almaty avtobýstarynyń 70 júrgizýshisi jumystan ne úshin shyǵaryldy
Qalalyq mobıldilik basqarmasynan atap ótkendeı, 5 311 júrgizýshi Almaty qalasy boıynsha qoǵamdyq kólik júrgizýshileriniń biryńǵaı málimetter bazasynyń tizimine engizildi. Búginde onyń 3693-i naqty jumys isteıdi.
«Qara tizimde» 124 júrgizýshi bar. 2020 jyldyń segiz aıynda 559 zań buzýshylyq tirkelgen, 70 júrgizýshi jumystan shyǵaryldy», - dep habarlady basqarmadan.
Qoǵamdyq kólik júrgizýshileri kóbine jol qozǵalysy erejelerin júıeli túrde buzǵany úshin jumystan shyǵarylady.
«Atap aıtsaq, jol qozǵalysyna kedergi keltirgeni úshin, birneshe ret jol-kólik apatyn jasaǵany úshin, aıaldamada sebepsiz uzaq ýaqyt toqtap turǵany úshin, sondaı-aq «Onai» qurylǵysyn júıeden ruqsatsyz ajyratyp, jolaýshylarǵa bılet bermegeni úshin jáne qoǵamdyq kóliktegi adamdarǵa dórekilik tanytqany úshin, avtobýsta birneshe ret temeki shekkeni úshin jumystan bosatylady»,– dep jaýap berdi Almaty qalalyq Mobıldilik basqarmasynan.