Almaty avtobýstarynda jol júrý aqysy qymbattaı ma
Qaýly jobasyna sáıkes Almatyda jolaýshylar kóligindegi tarıfterdi qaıta qaraý jáne olardy qolma-qol aqshasyz tóleý kezinde 100 teńge jáne qolma-qol aqshamen 200 teńge mólsherinde belgileý usynyldy. Qazir jolaqysy tıisinshe 80 teńge jáne 150 teńgege teń. Osylaısha, tólem ádisine baılanysty jol júrý quny 25-33%-ǵa ósedi.
Almaty qalalyq mobıldilik basqarmasynyń basshysy Saǵyndyq Telibaev búginde qaladaǵy qoǵamdyq kólikterde jol júrý aqysy qolma-qol aqshasyz tólem ádisimen tólengen kezde 80 teńge ekenin túsindirdi. Tarıf 2012 jyldan beri ózgermegen.
«Sońǵy 11 jylda tasymaldaýshylar kóteretin shyǵystardyń barlyq baptary boıynsha qun aıtarlyqtaı ósti. Mysaly, dızel otynynyń quny 90 teńge boldy, al búgingi kúni 295 teńgege (+328%) teń, gazdyń quny 33 teńgeni edi, al búgingi kúni 108 teńge (+327%) mólsherinde belgilengen. Avtobýstardyń qunyn qosa alǵanda, qalǵan shyǵyndar boıynsha da osyndaı jaǵdaı. Bul shyǵyndar tasymaldaýshylardyń shyǵyndaryn sýbsıdııalaý kólemine tikeleı áser etedi», - dedi ol.
Aıtýynsha, 2017 jyldan bastap 2022 jylǵa deıin sýbsıdııalar kólemi 13,8 ese - 6,9 mlrd teńgeden 50 mlrd teńgege deıin ósti.
«Bıyl sýbsıdııalaýdyń boljamdy kólemi - bekitilgen tarıfke sáıkes shamamen 85,5 mlrd teńge. Osylaısha, qoǵamdyq kóliktegi tarıftiń qoldanystaǵy quny saqtalǵan jaǵdaıda sýbsıdııalaý mólsheri jyldan-jylǵa ulǵaıatyn bolady, bul jergilikti bıýdjetke úlken júkteme túsiredi», - dep túsindirdi ol.
Esepteý ádistemesine sáıkes qoǵamdyq kólikte ortasha qun bıyl 425 teńgege ósetinin aıtyldy.
«Osyǵan baılanysty 2023 jyly tarıftiń qunyn qaıta qaraýdyń shuǵyl qajettiligi týyndaıdy. Qolma-qol aqshasyz tóleý kezinde 100 teńge jáne qolma-qol tóleý kezinde 200 teńge mólsherinde belgilensin. Mundaı jaǵdaıda sýbsıdııalaýdyń boljamdy kólemi 2023 jyly 10 mlrd teńgege qysqarady», - dep atap ótti basqarma basshysy.
Qujatta kórsetilgendeı, Astanada tarıftiń quny – 90 teńge jáne 180 teńge, ShQO-da – 90 teńge jáne 130 teńge, Jambyl oblysynda – 85 teńge jáne 130 teńge, Qostanaı oblysynda – 100 teńge jáne 170 teńge mólsherinde belgilengen.
Qujat 21 shildege deıin «Ashyq NQA» portalynda jarııa talqylaýda bolady. Qaýly resmı jarııalanǵan kúninen keıin kúntizbelik 10 kún ótken soń qoldanysqa engiziledi.
