Almaty avtobýstarynda maska taqpaı júrgen 1 700 adam anyqtaldy

ALMATY. QazAqparat – Almaty avtobýstarynda ornatylǵan beınekameralar arqyly 1700 maska rejımin buzý deregi tirkeldi, dep habarlaıdy QazAqparat tilshisi.

Bul joba tamyz aıynan bastap qolǵa alynǵan bolatyn. 2 baǵdarda №120 jáne №65 marshrýttardyń 4 avtobýsynda 8 kamera ornatyldy.

«Jolaýshylar arasynda maska rejımin buzǵan 1773 derek tirkeldi. 1106 adam maska taqpasa, 667 jolaýshy maskany durys taqpaǵan», - dedi brıfıng barysynda Almaty qalalyq mobıldilik basqarmasynyń basshysy Erlan Ádilov.

3 avtobýs júrgizýshisi tártiptik jazaǵa tartyldy.

Osy maqsatta «Kólik holdıngi» JShS men «Qazaqtelekom» AQ arasynda qyrkúıektiń sońyna deıin 8 marshrýttyń 32 avtobýsyna aqyldy kamera ornatý týraly kelisimge qol qoıyldy.

1. №25 (4 avtobýs)

2. №7 (4 avtobýs)

3. №205 (4 avtobýs)

4. №137 (4 avtobýs)

5. №37 (4 avtobýs)

6. №69 (4 avtobýs)

7. №38 (4 avtobýs)

8. №63 (4 avtobýs)

Jobaǵa sáıkes maskasyz júrgen jolaýshy týraly aqparat ortalyq dıspetcherge jetedi. Operator tez arada avtobýs júrgizýshisine habarlap, shara qoldanady. Maskasyz jolaýshy avtobýstan túsiriledi nemese maska taǵýǵa májbúr bolady.

Eske sala keteıik, biz buǵan deıin Almaty avtobýstarynda aqyldy kameralar jolaýshylardyń maska rejımin saqtaýyn baqylaıtynyn jazǵan bolatynbyz.