Almaty avtobýstaryna Face Pay tólem júıesi qashan engiziledi

ALMATY. QazAqparat - Almatynyń qoǵamdyq kólikterine Face Pay nemese bank kartasy arqyly tólem jasaý júıesi qashan engiziledi? Bul suraqqa Almaty qalalyq mobıldilik basqarmasy basshysynyń orynbasary Erlan Ádilov jaýap berdi, dep habarlaıdy QazAqparat tilshisi.

Baspasóz máslıhatynda, Erlan Ádilov Face pay bıometrııalyq málimetter arqyly jolaqy tóleý júıesine qatysty suraqqa jaýap berdi.

«Face Pay týraly ázirge bilmeımiz, qazir «Almaty kólik holdınginiń» dırektory issaparda. Dál osy jańa ınnovatsııalardy engizý boıynsha jumys saparynda júr. Jaqyn arada biz osy jańashyldyqqa qatysty tolyq aqparat beremiz. Ártúrli banktermen kelissóz júrip jatyr, nesıe kartochkasymen tólem jasaý máselesi pysyqtalýda», - dedi Almaty qalalyq mobıldilik basqarmasy basshysynyń orynbasary Erlan Ádilov