Almaty avtobýstary múgedekterdi tasymaldaý «synynan» óte almady
«NurOtan» partııasy áleýmettik ınfraqurylymdar men avtobýstarda múmkindigi shekteýli jandarǵa qandaı jaǵdaı jasalǵanyn baqylaý maqsatynda tekserý júrgizdi.
Oǵan qalalyq eńbekpen qamtý men áleýmettik baǵdarlamalar basqarmasy, qalalyq múgedekter qoǵamynyń belsendileri qatysty.
Tekseris barysynda kóptegen zańbuzýshylyqtar men múgedekterge arnalǵan qurylǵylardy durys qoldanylmaýy anyqtaldy.
«Іs-shara ortalyq stadıonnyń aıaldamasynan bastaldy. Tekseris barysynda birde-bir qoǵamdyq kólik standartqa saı shekti jolaqtan alys toqtap, múmkindigi shekteýli jandarǵa avtokólikke otyrýǵa múmkindik jasamady. №118, 120 avtobýsy men №19,25 trolleıbýsyna otyryp qulaǵy estimeıtin, arbaǵa tańylǵan azamattar, mylqaý jandardyń qozǵalý qaýipsizdigin tekserdik. Qoǵamdyq kólikterdiń arasynda arbaǵa tańylǵan azamattarǵa kóterilýine arnalǵan pandýstyń joqtyǵy, kóp ýaqyt ótpese de osy qurylǵynyń isten shyqqandyǵy, keıbiri tipti qoldanysta bolmaı ashylmaıtyndyǵyn kórip, elimizdiń erekshe qajettiligi bar azamattarǵa tolyq deńgeıde kómek kórsetilmeıtindigi, qoǵamnyń bir bólshegi retinde erkin qozǵala almaıtyndyǵy kórindi», - dedi «Nur Otan» partııasy Almaly aýdandyq fılıalynyn keńesshisi Tórehan Samat
Tekseris qorytyndysy boıynsha Almaty qalasynyń júrgizýshileri jolda júrý barysynda tehnıkalyq qaýipsizdik saqtamaıtyndyǵy (júrgizý barysynda shylym shegý, telefonmen sóılesý, qaýipsizdik belgisin taqpaýy, jolda júrý erejelerin saqtamaýy), múmkindigi shekteýli jandarmen qalaı jumys jasaý kerektigin bilmeıtindigi, qoǵamdyq kóliktiń ishinde múmkindigi shekteýli jandarǵa arnalǵan baspaldaqtyń istemeıtindigi, kóp jaǵdaıda aıaldamalardaǵy múgedek jandy baıqamaı ótip ketetindigi, aıaldamalardy jarııalap otyrmaıtyndyǵy anyqtaldy.
