Almaty avtobazardaǵy reıd: 400-den asa adam polıtsııaǵa jetkizildi
ALMATY. QazAqparat - Almaty qalalyq ІІD resmı ókili Saltanat Ázirbek «Jibek Joly» avtobólshekter bazaryndaǵy reıd qorytyndysyn QazAqparat tilshisine aıtyp berdi.
«Keshe «Jibek joly» bazarynda 1492 saýda núktesi, 68 TQKO jáne 82 kóliktiń krımınaldy málimetteri tekserildi. Jeke basyn kýálandyratyn qujaty joq 416 adam polıtsııaǵa jetkizildi», - dedi S.Ázirbek.
Onyń aıtýynsha, polıtsııaǵa jetkizilgen adamdardyń 20-sy Ózbekstan azamaty bolyp shyqty. Olar Qazaqstanda zańsyz jumys istep júrgen.Tekserý nátıjesinde izdeýdegi 4 qylmysker ustaldy.
«Odan bólek 136 ákimshilik quqyq buzýshylyq deregi anyqtaldy. ІІD qamaý bólimine 100 jýyq adam toǵytyldy», - dedi ol.
Sonymen qatar, keshe jedel shara barysynda «Car city» bazarynda krımınaldy polıtsııa qyzmetkerleri Alakól aýdanynyń 28 jastaǵy turǵyny ustaldy.
«Ol - satýshy. Bul jigit urlanǵan aınany satyp aldy degen kúdik bar. Er adam buryn da birneshe ret urlanǵan dúnıeni satyp kelgen. Odan 15 urlanǵan aına tabyldy. Endi osy jigitten satyp alǵan tulǵalar anyqtalyp jatyr», - dedi polıtsııadan.
Aıta ketý kerek, Almaty polıtsııasy qaladaǵy qylmystyq ahýaldy jaqsartý úshin jedel profılaktıkalyq shara uıymdastyrdy. Aktsııa 29 shildege deıin jalǵasatyn bolady. Bul jumystarǵa 2 000 polıtsııa qyzmetkeri jumyldyryldy.
