Almaty avıatsııalyq kólik prokýrory halyqaralyq áýejaıǵa tekserý júrgizdi
ASTANA. Qańtardyń 15-i. QazAqparat - Almaty avıatsııalyq kólik prokýrorynyń ońtústik astananyń halyqaralyq áýejaıynda júrgizgen tekserýi nátıjesinde «Oıyn bıznesi týraly» zań talaptarynyń buzylǵandyǵy anyqtaldy.
Bul aqparatty elimizdiń Bas prokýratýrasynyń baspasóz qyzmeti taratyp otyr.
Jelilik ishki ister bóliminiń tekserý materıaldary boıynsha 2 jeke kásipkerge qatysty ákimshilik is qozǵalyp, sot qaraýyna jiberilgen.
«Mamandandyrylǵan ákimshilik sot kináli tulǵalarǵa 300 AEK kóleminde aıyppul salyp, oıyn avtomattaryn jáne zańsyz tapqan kiristerin alýǵa sheshim qabyldady», delingen baspasóz habarlamasynda.
Sot oryndaýshylary tárkilengen 18 oıyn avtomattaryn qaıta paıdalanýǵa jatpaıtyndyqtan «Tártip» polıgonynda joıǵan. Oǵan kólik prokýratýrasynyń qyzmetkerleri men BAQ ókilderi qatysty.
