Almaty aýrýhanasynda júrekke biregeı operatsııa jasaıtyn bólimshe ashyldy
Aýrýhana baspasóz qyzmetiniń málimetinshe, bólimsheniń qyzmeti - tájdik arterııa tamyryn tentteý jáne koronografııa júrgizý, sońynan júrekke basqa da ınterventsııalyq aralasýlardy engizý. Eń alǵashqy operatsııa «Stenokardııa» dıagnozy bar 81 jastaǵy patsıentke jasaldy.
Jańa bólimsheniń meńgerýshisi, ınterventsııaly kardıolog Erjan Quttyǵojınniń aıtýynsha, stenokardııa júrektiń ıshemııalyq aýrýynyń biri jáne ol júrek kúretamyrynyń aterosklerozy nemese spazma fonyndaǵy júrek bulshyqetiniń qanmen qamtamasyz etilýiniń buzylýynan bolady.
«Osyndaı bólimsheniń ashylýymen biz endi josparly ıntervenıtsııalyq kardıologııalyq medıtsınalyq kómek kórsete alamyz, ıaǵnı, tegin túrde júrek tamyryn emdeý úshin TMKKK jáne MÁMS aıasynda shaǵyn ınvazıvti hırýrgııalyq operatsııa jasaımyz. «Stenokardııa» dıagnozy bar 81 jastaǵy naýqasqa jasalǵan operatsııa esh qıyndyqsyz sátti ótti. Qazirgi tańda patsıent statsıonarda jatyr, onda ol turaqty terapııa alyp otyrady. Aldaǵy ýaqytta, bólimshede arıtmologııalyq ınterventsııaly aralasý operatsııasy júrgiziletin bolady», - dedi kardıolog.
Sondaı-aq maman stenokardııa ustamasy shuǵyl terapııany qajet etetiniń tilge tıek etti.
«Eger ustama uzaqqa sozylyp ketse arty naýqastyń ómirine qaýip tóndiretin kúrdeli aýrýshańdyq-mıokard ınfarktine aparady. Bastapqy aýrý paıda bolǵan kezde der kezinde mamanǵa júginý kerek. Sol sııaqty, profılaktıkalyq maqsatta keńes alý úshin kardıologqa barýy tıis»,- deıdi Erjan Quttyǵojın.