Almaty aýrýhanasynda patsıent dárigerdiń kúrteshesi men aıaq kıimin urlap ketken

ALMATY. QazAqparat - Almaty aýrýhanasynda dárigerdiń kúrteshesi men aıaq kıimin urlap ketken er adam ustaldy, dep habarlaıdy QazAqparat tilshisi.

«Medıtsınalyq kómek alǵan 30 jastaǵy er adam aýrýhanaǵa jatqyzylǵannan keıingi kúni ruqsatsyz, óz erkimen aýrýhanadan ketýge sheshim qabyldaǵan. Jyly kıimi men aıaq kıim bolmaǵandyqtan ol qyzmetkerler bólmesine kirip, óziniń ólshemine keletin qolaıly kıimderdi kıip ketken. Belgili bolǵandaı bul - hırýrg-dárigerdiń zattary eken. Beınebaqylaý kameralarynyń, sondaı-aq arnaıy bazanyń kómegimen kúdiktiniń saýsaq izderin baqylaý arqyly onyń kim ekeni anyqtaldy. Kúdikti ustaldy», - deıdi Medeý aýdandyq PB janyndaǵy polıtsııa bóliminiń bastyǵy Edilhan Baıǵaraev.

Zattar óz ıesine qaıtaryldy.

Atalǵan derek boıynsha QR QK-niń 188-babyna (Urlyq) sáıkes qylmystyq is qozǵalyp jatyr.

Ustalǵan adam jasaǵan is-áreketin joqqa shyǵarmaı, birden moıyndady.