Almaty aýrýhanasynda naýqas balalarǵa bilim beretin kabınet ashyldy
ALMATY. QazAqparat – Almatyda Ulttyq pedıatrııa jáne balalar hırýrgııasy ortalyǵynda «Smart School-2» kabıneti ashylady, dep habarlaıdy QazAqparat tilshisi.
«Smart School-2» synybynda statsıonarda jatqan naýqas balalar bilim alatyn bolady.
Olardyń qatarynda onkologııa, gematologııa, mýkopolısaharıdoz, fenılketonýrııa, Goshe aýrýy, ıývenıl artrıt, Pompe aýrýy dertine shaldyqqan balalar bar.
Ońaltý sharalarynan ótip jatqan balalar statsıonarda uzaq merzimde em ala otyryp, oqý protsesinen qalys qalmaıtyn bolady. Robototehnıka, konstrýktor qurastyrý, qolóner, shahmat, art-terapııa, aǵylshyn tilinen dárister uıymdastyrylady. Oqýshylarǵa bilikti mamandar, eriktiler dáris beredi. Balalardyń kóńilin saıqymazaqtar da kóterip turmaq.
