Almaty aýrýhanasynda nárestelerge emizik ornyna rezeńke qolǵap berilgeni ras pa

ALMATY. QazAqparat – Áleýmettik jelilerde Almatydaǵy perınatalogııa jáne balalar kardıohırýrgııasy ortalyǵynda reanımatsııada jatqan jańa týǵan sábılerge emiziktiń ornyna rezeńke qolǵaptar beriletini týraly aqparat tarady. Almaty qalasynyń Densaýlyq saqtaý basqarmasy bul aqparatty teriske shyǵardy, dep habarlaıdy QazAqparat stopfake.kz saıtyna silteme jasap.

Vedomstvo málimetinshe, ortalyqta jatqan birde-bir balaǵa emiziktiń ornyna rezeńke qolǵap berilmegen.

«Almaty qalasynyń Qoǵamdyq densaýlyq saqtaý basqarmasy men Perınatalogııa jáne balalar kardıohırýrgııasy ortalyǵynyń Patsıentterdi qoldaý jáne ishki aýdıt qyzmeti osy oqıǵa boıynsha tekserý júrgizdi. Atap aıtqanda, statsıonarda jatqan jańa bosanǵan áıelder men medıtsına qyzmetkerlerine suraqtar qoıylyp, jaýaptar alyndy, áleýmettik jelidegi osy jarııalanymǵa qatysty barlyq beınekameralar qaraldy.

Ana men balanyń málimetterin alý úshin Perınatologııa ortalyǵy post avtoryna habarlasty. Alaıda, avtor qandaı da bir aqparat berýden bas tartty.

Osy rette barlyq jańa týǵan náreste analarynyń janynda bolyp, ana sútin emetinin aıta ketken jón.

Náreste kıývezde, balalar reanımatsııasynda, jańa týǵan náresteler patologııasy bólimshesiniń qarqyndy terapııa palatalarynda jatqan jaǵdaıda, olarǵa neonatolog pen medbıkeler kútim kórsetip, baqylaıdy, beınebaqylaý júrgiziledi. Vıdeojazbalardy qaraý kezinde bul fakti rastalǵan joq», – delingen Densaýlyq saqtaý basqarmasynyń habarlamasynda.