Almaty aýrýhanalarynda koronavırýstyń ekinshi tolqynyna daıyndyq jospary jasaldy
ALMATY. QazAqparat – Almatydaǵy № 8 qalalyq emhananyń bas dárigeri Farıda Aǵybaeva turǵyndardyń, onyń ishinde balalar men jasóspirimderdiń joǵary syrqattanýshylyǵyna jol bermeý maqsatynda jáne koronavırýs ınfektsııanyń yqtımal ekinshi tolqynyna daıyndyq boıynsha qabyldanǵan sharalar týraly aıtyp berdi, dep habarlaıdy QazAqparat tilshisi.
Onyń aıtýynsha, emhanada koronavırýs ınfektsııasymen kúres boıynsha arnaıy shtab qurylǵan.
«2020 jyldyń naýryz aıynan bastap KVI kúresý boıynsha epıdemııaǵa qarsy, emdeý-dıagnostıkalyq is-sharalardy júrgizýdi uıymdastyrý, úılestirý jáne baqylaý boıynsha jaýapty laýazymdy adamdardan turatyn shtab jumys isteıdi. Basqarýshylyq sheshimderdi qabyldaý jáne oryndaý úshin emhana shtabynyń ár múshesiniń fýnktsıonaly anyqtalǵan. Materıaldyq jáne materıaldyq emes resýrstar boıynsha tıisti esepteýleri bar COVID-19 epıdemııasynyń ekinshi tolqynyna emhananyń daıyn bolý jospary ázirlenip, SWOT – taldaý jasalǵan. Negizgi jáne qosalqy úderister bólinisinde daıyndyqty baǵalaý boıynsha chek-paraqtar ázirlendi. JRVI/ KVI-men patsıenttiń baǵdar joly daıyndaldy»,– deıdi dáriger
Sonymen qatar, ol medıtsına mekemesi «las» jáne «taza» aımaqqa bólingenin atap ótti.
«Bizde «las» jáne «taza» aımaq bar. Sondaı-aq balalar men júkti áıelderge arnalǵan jeke fıltr kabınetteri uıymdastyryldy. Patsıentter aǵymyn suryptaý úshin dálizder ornatyldy. Emhana kireberisinde barlyq kelýshilerdiń dene qyzýyn ólsheýge arnalǵan kontaktisiz ólsheýish qondyrylǵan ornatyldy. Birinshi qabatta fıltr men oqshaýlaý kabıneti uıymdastyrylǵan, ol jerde COVID-19 týdyratyn klınıkalyq belgileri bar patsıentterdi anyqtaý maqsatynda olarǵa baılanyssyz termometrııa jáne saýalnama júrgiziledi. Sımptomdar anyqtalǵan jaǵdaıda, bala ýaqytsha oqshaýlaý ızolıatoryna ornalastyrylady. Pedıatr dáriger qaraǵannan keıin, patsıent ambýlatorııalyq emdeýge jiberiledi nemese provızorlyq statsıonarǵa emdeýge jatqyzylady»,– dedi spıker.
Sondaı-aq, dene qyzýy joǵary balalar emhanaǵa kirgizilmeıdi. Emhanada balalardy qabyldaý aldyn ala jazylý arqyly júzege asyrylady.
«№8 emhanada KVI aýrýynyń sımptomsyz, jeńil, ortasha túri bar naýqastardy medıtsınalyq baqylaý boıynsha 12 mobıldi top quryldy. Mobıldi brıgadalar normatıvtik talaptarǵa sáıkes jabdyqtalǵan, sonyń ishinde jedel shuǵyl kómek kórsetýge arnalǵan jıyntyqtarmen jabdyqtalǵan. Osylaısha, mobıldi brıgadalar epıdemııalyq jaǵdaıǵa baılanysty medıtsınalyq qyzmetter keshenin kórsetedi: úıge shaqyrý boıynsha qyzmet kórsetý, patsıentterge konsýltatsııa berý (aýdıo-vıdeo), bıologııalyq materıaldar úlgilerin jınaý, em taǵaıyndaý qarastyrlǵan. Búgingi kúni monıtorıngte sımptomsyz 2 naýqas bar»,– deıdi Farıda Aǵybaeva.
Dárigerdiń aıtýynsha, jalpy praktıka dárigerleriniń bólim meńgerýshileri JRVI, koronavırýs ınfektsııasy, qaýip tobyndaǵy patsıentterge arnaıy baqylaý júrgizedi.
