Almaty aýrýhanalarynda koronavırýsqa baılanysty jańa qyzmet paıda bolady
ALMATY. QazAqparat – Almatydaǵy barlyq aýrýhanalarda koronavırýsqa baılanysty bas dárigerdiń ınfektsııalyq baqylaý jónindegi orynbasary laýazymy engiziledi. Bul týraly onlaın-brıfıngte qalalyq qoǵamdyq densaýlyq saqtaý basqarmasynyń basshysy Qamaljan Nadyrov aıtty, dep habarlaıdy QazAqparat tilshisi.
Qamaljan Nadyrov medıtsınalyq uıymdar bekitilgen rejımde algorıtmine sáıkes jumys isteıtindigin atap ótti.
– Epıdemııaǵa qarsy jáne profılaktıkalyq is-sharalardy úılestirý úshin jaǵdaıǵa monıtorıng jumystaryn turaqty túrde júrgizip otyratyn koronavırýs ınfektsııanyń aldyn alý jónindegi óńirlik shtab quryldy.
– Almaty qalasynyń aýmaǵynda koronavırýs ınfektsııa jaǵdaılarynyń ákelinýi men taralýynyń aldyn alý boıynsha profılaktıkalyq, epıdemııaǵa qarsy is-sharalardyń keshendi jospary bekitildi.
– Koronavırýstyq ınfektsııanyń ákelinýi men taralýynyń aldyn alý boıynsha barlyq múddeli qyzmetterdiń ózara is-qımyl algorıtmi bekitildi.
«Ózderińiz biletindeı, Memleket basshysy medıtsına qyzmetkerlerin qorǵaý deńgeıin kúsheıtý jóninde tapsyrma bergen bolatyn. Іstiń aǵymdaǵy jaǵdaıyn esepke ala otyryp, medıtsınalyq uıymdardyń ishinde ınfektsııalyq baqylaýdy kúsheıtý úshin, jaqyn arada qalanyń barlyq statsıonarlarynda bas dárigerdiń ınfektsııalyq baqylaý jónindegi orynbasary laýazymy engiziletin bolady. Bul gospıtaldyq epıdemıologtardyń mártebesin kóterýge, bilikti mamandardy tartýǵa jáne sol arqyly statsıonarlarda tıisti ınfektsııalyq baqylaýdy qamtamasyz etýge múmkindik beredi. MSAK uıymdarynda ınfektsıonısterge, sondaı-aq, qaýipsizdiktiń tıisti deńgeıin qamtamasyz etý úshin aıryqsha ókilettikter beriletin bolady»– dedi Qamaljan Nadyrov.
