Almaty aýrýhanalarynda 600-ge jýyq dáriger jetispeıdi
Almatynyń medıtsına uıymdaryna 2 mln astam adam tirkelgen, onyń 28,5% - 18 jasqa deıingi balalar.
Tegin medıtsınalyq kómektiń kepildendirilgen kólemi aıasynda qoǵamdyq densaýlyq basqarmasyna baǵynyshty 74 medıtsınalyq uıym,13 respýblıkalyq jáne 90-nan astam jeke medıtsınalyq mekeme kórsetedi.
Alqa jıynynda atalyp ótkendeı, densaýlyq saqtaý júıesiniń basty mindeti medıtsınalyq kómektiń sapasy men qoljetimdiligin arttyrý.
Densaýlyq saqtaýdy damytýdyń memlekettik baǵdarlamasy aıasynda 24 kórsetkishter men ındıkatorlardyń 21-i boıynsha josparly mánder iske asty.
Osyǵan oraı Almaty ákimi Baqytjan Saǵyntaev 2021 jyly kórsetkishter men ındıkatorlarǵa qoljetkizý boıynsha sharalar qabyldaýdy, sondaı-aq jalpy ólimdi azaıtý boıynsha is-sharalar josparyn júzege asyrýdy tapsyrdy.
Ásirese, ana men sábı óliminiń aldyn alýǵa erekshe nazar aýdarý kerek.
Sonymen birge, alǵashqy medıtsınalyq-sanıtarlyq kómek uıymdarynyń, áıelder konsýltatsııasy men bosanýǵa kómektesetin uıymdardyń jumysy kúsheıtiledi.
Búginde megapolıstiń memlekettik medıtsınalyq uıymdarynda 6 myńnan astam dáriger men 13 myńǵa jýyq orta medıtsınalyq qyzmetker jumys isteıdi.
Infektsııalyq statsıonarlardyń, kópbeıindi klınıkalardyń jáne otbasylyq dárigerlik ambýlatorııalardyń qarqyndy salynýy kadr tapshylyǵynyń ózekti máselege aınalǵanyn kórsetýde.
Qalanyń medıtsına uıymdaryna shamamen 590 dáriger – anestezıologtar, pýlmonologtar, kardıologtar, nevropatologtar men 300-ge jýyq orta býyn maman qajet.
Aldaǵy jyldary jańa aýrýhanalar men emhanalardyń ashylatynyn eskere otyryp, qala ákimi B. Saǵyntaev kadr tapshylyǵyn tómendetý boıynsha jalpyqalalyq joba qabyldaýdy tapsyrdy.
Іs-sharalar josparynda túlekterdi jumysqa ornalastyrý jáne medıtsınalyq qyzmetkerlerdiń biliktiligin arttyrý isine joǵary oqý oryndary men kolledjderdi tartý kerektigi kórsetiletin bolady.
Yntalandyrý tetikteri, onyń ishinde KPI boıynsha baǵalaý, ústemaqy jáne áleýmettik qamsyzdandyrý, jeńildetilgen qalalyq baǵdarlamalar boıynsha turǵyn úı satyp alý múmkindikteri qarastyrylǵan.
Alqa jıynynda qalanyń densaýlyq saqtaý júıesin taıaý arada damytýdyń mindetteri aıqyndaldy.
Kezdesýdi qorytyndylaǵan Almaty ákimi B. Saǵyntaev osynaý ıgi maqsattardy júzege asyrýda qala tarapynan tolyq qoldaý kórsetiletinin atap ótti, óıtkeni ákimdik jumysyndaǵy eń basty baǵyt - qala turǵyndarynyń densaýlyǵy.
