Almaty aýrýhanalarynda 400-ge jýyq dáriger jetispeıdi
ALMATY. QazAqparat - Almatyda koronavırýs ınfektsııasyna baılanysty dárigerler jetispeıdi, dep habarlaıdy QazAqparat tilshisi.
«Búginde megapolıstiń memlekettik medıtsınalyq uıymdarynda 6 myńnan astam dáriger men 13 myńǵa jýyq orta medıtsınalyq qyzmetker jumys isteıdi. 10 myń adamdy medıtsınalyq uıymdardyń dárigerlerimen qamtamasyz etý 30,7 paıyz. Bul ortasha respýblıkalyq standarttardan tómen. Medbıkelermen qamtamasyz etý - 65,8, sanatpen qamtý - 45%. Koronavırýstyń qolaısyz jaǵdaıyn eskere otyryp, bizde 376 birlikte dárigerler jetispeıdi», - dedi Almaty qalasy qoǵamdyq densaýlyq saqtaý basqarmasynyń ókili Svetlana Sultanǵazıeva Qoǵamdyq keńestiń otyrysynda.
Onyń aıtýynsha, qalanyń medıtsına uıymdaryna anestezıolog, reanımatolog, epıdemıolog, pedıatrlar men jalpy tájirıbe dárigerleri qajet.
