Almaty aýrýhanalary túgel elektrondy formatqa kóshedi - Mýsınov
"2019 jylǵy 1 qańtardan bastap medıtsınalyq uıymdar medıtsınalyq qujattamany júrgizýdiń qaǵazsyz formatyna ótedi, onyń ishinde elektrondyq ambýlatorııalyq kartalar, elektrondyq syrqatnamalar jáne retseptterdi elektrondyq jazyp berý bolady",- dedi basqarma basshysy.
Serikbol Mýsınov tsıfrlandyrý salasynda medıtsına salasynda qandaı ınnovatsııalar júzege asyrylatynyn aıtty.
"Densaýlyq saqtaý salasyn tsıfrlyq jańǵyrtý maqsatynda bıyl jeltoqsanǵa deıin medıtsınalyq uıymdar 100% aqparattyq júıelermen qamtamsyz etiletin bolady. Bul 2019 jylǵy 1 qańtardan bastap qaǵazsyz jumys formatyna ótýge múmkindik beredi. Osy maqsatta qalalyq densaýlyq saqtaý uıymdarynda medıtsınalyq aqparattyq júıeler engizilip jatyr. Búgindi tańda medıtsınalyq aqparattyq júıelermen qala boıynsha medıtsına uıymdarynyń 98%-y qamtamasyz etildi. Medıtsınalyq uıymdar kompıýterlik tehnıkamen tolyq qamtamasyz etildi. Osy maqsatta jergilikti bıýdjetten 1 339,1 mln teńge bólindi. Qosymsha 6051 kompıýter satyp alyndy. 120 IT maman tartyldy", - dedi S.Mýsınov.
Onyń aıtýynsha, əkimdik pen Densaýlyq saqtaý mınıstrligi arasynda memorandým jasaldy.
Oǵan sáıkes jyl saıyn jergilikti bıýdjet qarajaty esebinen kompıýterlik tehnıka 20%-ǵa jańartylyp otyrady.
Sonymen qatar, medıtsınalyq uıymdardyń biryńǵaı korporatıvtik elektrondyq poshta júıesi (med.mail.kz) engizildi.
Basqarma basshysynyń məlimdeýinshe, patsıent pen dáriger arasynda turaqty baılanysty qamtamasyz etý úshin mobıldik qosymsha jasalmaq.
Arnaıy qosymsha arqyly búgingi tańda 5 baǵyt: arterıaldyq gıpertonııa, qant dıabeti, sozylmaly júrek kemistigi, júkti áıelder, balalar densaýlyǵy boıynsha patsıentter dərigerimen baılanysta bolady.
Derbestendirilgen medıtsınany engizý tehnologııalary boıynsha genetıkalyq sekvenırleý, bıomedıtsınalyq ınformatıka jáne jasandy ıntellekt arqyly jumys alǵa qoıyldy.
Osynyń negizinde aýrý sebebi shyqqanǵa deıin dıagnozdy anyqtaý, emdeý boıynsha usynystar berý, maqsatty profılaktıkalyq sharalar josparlaý múmkin bolady, jáne sol arqyly densaýlyq saqtaý resýrstary tıimdi paıdalanylady.
Aıta ketý kerek, Almaty əkimi Baýyrjan Baıbek halyqpen esepti kezdesýi barysynda aýrýhanalardy qaǵazbastylyqtan aryltý týraly tapsyrma bergen bolatyn. https://kaz.inform.kz/news/almaty-auruhanalary-kagazbastylyktan-arylady-baybek_a3161268