Almaty aýlalary kórkemóner galereıasyna aınalýy múmkin
ALMATY. QazAqparat - Almatyda jas sýretshiler ákimdik ókilderimen kezdesip, ǵımarat qabyrǵalaryn strıt-art ónerimen árleýge usynys bildirdi, dep habarlaıdy QazAqparat tilshisi.
«Qalanyń beınesi álemdik trendterge saı bolyp, shaǵyn mýzeıge aınalýy kerek. Qalanyń sur ǵımarattary árlenýi tıis. Qala kóshelerin árleýge ruqsat kerek. Sebebi kóp jerde banner ilinip turady. Olardy alýǵa arnaıy ruqsat qajet», - dedi strıt-art sýretshi Aıdar Rekon.
Sýretshiler toby Almatynyń birneshe ǵımaratyna sýret salýdy josparlap otyr.
Óz kezeginde qalalyq Sáýlet jáne qala qurylysy basqarmasy basshysynyń orynbasary Tóleýhan Ismaılov jastardyń usynysyna qoldaý bildirdi.
«Men sizdi qoldaımyn. Ǵımarat syrtyndaǵy graffıtı sýretteri surqaı úılerdiń kórkin kirgizedi. Alaıda bul ǵımarattardyń ıeleri bar. Olardyń keıbiri PIK menshiginde. Usynystaryńyz sáýletshilerdiń tehnıkalyq keńesinde qaralatyn bolady», - dedi T.Ismaılov.
