Almaty áýejaıynyń termınalyna shyǵaryp salýshylar kire almaıdy
ALMATY. QazAqparat – Almatyda shyǵaryp salýshylarǵa áýejaı termınalynyń ǵımaratyna kirýge tyıym salyndy, dep habarlaıdy QazAqparat tilshisi.
Kóliktegi bas memlekettik sanıtarlyq dárigeriniń sheshimine sáıkes, 11 mamyrdan bastap jolaýshylarǵa, áýejaı qyzmetkerleri men ekıpajǵa COVID-19 testin mindetti túrde tapsyrý talaby alynyp tastaldy.
«Sonymen birge, karantındik talaptar (áleýmettik qashyqtyq, anketalar, maska rejımi, baılanyssyz termometrııa) óz kúshinde qalady. Sondaı– aq, shyǵaryp salýshylarǵa termınal ǵımaratyna kirýge tyıym salynady. Dene qyzýy nemese aýrý belgileri bar adamdar (jótel, entigý) áýejaı ǵımaratyna kirmeıdi», – dep habarlaıdy Almaty áýejaıynyń baspasóz qyzmeti Facebook paraqshasynda.
