Almaty áýejaıynyń ókilderi áýe reısteriniń keshigý sebebin túsindirdi
ASTANA. QazAqparat - Keshe Qazaqstannyń soltústiginde aýa raıynyń kúrt nasharlaýy saldarynan áýe reısteri jappaı toqtatyldy, dep habarlaıdy «QazAqparat» HAA tilshisi.
«Ótken táýlikte (11/01 - 12/01) Almaty halyqaralyq áýejaıynda 17 reıs toqtatyldy. Alaıda, onyń eshqaısysyna áýejaı kináli emes. Áýe kompanııalarynyń Astana, Qostanaı, Qaraǵandy, Kókshetaý, Pavlodar qalalaryna josparlanǵan reısteri aýa raıyna baılanysty toqtatyldy. Sonyń saldarynan Almatydan ushýy tıis basqa da reıster keıinge shegerildi. Soǵan qaramastan Almaty áýejaıy qalypty rejımde jumys istedi, bizdiń áýejaıdyń saldarynan bir de bir reıs toqtatylǵan joq», - dedi Almaty halyqaralyq áýejaıynyń baspasóz qyzmetindegiler.
11-12 qańtarda toqtatylǵan reısterdiń tolyq tizimi mynadaı:
Air Astana áýe kompanııasy:
KS622/621 Frankfýrt - Astana - Almaty - Astana - Frankfýrt
KS851/852 Almaty - Astana - Almaty
KS671/672 Almaty - Astana - Almaty
KS307/308 Almaty - Pavlodar - Almaty
KS853/854 Almaty - Astana - Almaty
KS995 Almaty - Astana
Scat áýe kompanııasy:
DV713/714 Almaty - Astana - Almaty
DV704 Astana - Almaty
Qazaq Air áýe kompanııasy:
IQ351/352 Almaty - Astana - Almaty
Lufthansa áýe kompanııasy:
LH648/649 Frankfýrt - Almaty - Astana - Fankfýrt
