Almaty áýejaıynyń namazhanasynda jas jigit ózine-ózi qol saldy
ASTANA. 23 qańtar. QazAqparat - Almaty halyqaralyq áýejaıynyń namazhanasynda er adam tamyryn kesip, ózin-ózi óltirmekke árekettendi, dep habarlady ІІM KІІD baspasóz qyzmetinen.
Oqıǵa 21 qańtar kúni saǵat 19.30 kezinde oryn alǵan. Áýejaıdaǵy namazhanaǵa qolyna ustaranyń júzin ustap kirgen jigit tamyryn kesip tastaǵan. Ózin-ózi óltirmek bolǵan jigitti es-tússiz jatqan kúıinde mekemeniń tehnıkalyq qyzmetkeri taýyp alǵan. Ol dereý Almaty oblystyq klınıkalyq aýrýhanasyna jetkizildi.
1991 jyly týǵan jigit bul qadamǵa ómirden baz keshken soń barǵanyn aıtty. Jaqynda ata-anasy men týǵandary qaıtys bolyp, jumyssyz qalǵan ol sharasyzdyqtan ózin ólimge qıǵan. Kóliktegi Іshki ister departamentiniń qyzmetkerleri bul jigitpen psıhologtar jumys isteıtin bolady dep otyr.
