Almaty áýejaıynyń eks-prezıdentine qatysty qylmystyq is qozǵaldy
ALMATY. QazAqparat - Almaty áýejaıynyń eks-prezıdenti Aıbol Bekmuhambetovqa qatysty qylmystyq is qozǵaldy, dep habarlaıdy QazAqparat tilshisi.
Almaty sotynyń qylmystyq ister jónindegi sot alqasy qalalyq mamandandyrylǵan aýdanaralyq tergeý soty taǵaıyndaǵan bultartpaý sharasyn ózgertti. Buǵan deıin kúdikti 2 aıǵa qamaýǵa alynǵan bolatyn.
Qalalyq sottyń baspasóz qyzmeti habarlaǵandaı, sot bultartpaý sharasyn kepilge ózgertti. Kepil mólsheri 3500 AEK dep baǵalandy.
Aıbol Bekmuhambetovke QR QK 189-babynyń 4-bóligi 2-tarmaǵy («Senip tapsyrylǵan bóten múlikti ıemdený nemese ysyrap etý») boıynsha aıyp taǵylyp otyr.
