Almaty áýejaıyndaǵy prank: jigitterdiń bireýi ustaldy
ALMATY. QazAqparat - Almaty áýejaıynda sómkege adam salyp alyp qyzmetkerlerdi shoshytqan jigitterdiń biri ustaldy, dep habarlaıdy QazAqparat tilshisi.
«Ákimshilik ister boıynsha mamandandyrylǵan aýdanaralyq soty Ramberdıevti ákimshilik jazaǵa tartý týraly sheshim shyǵardy. ıAǵnı ustalǵan jigit 3 táýlik qamaýda otyratyn bolady», - dedi Almaty qalalyq sotynyń baspasóz qyzmeti.
Al qalǵan eki adamǵa qatysty qozǵalǵan óndiristik is toqtatyldy.
Oqıǵa keshe Almaty áýejaıynda bolǵan edi. Astanaǵa ushpaq bolǵan jolaýshy júgin qaldyryp, tirkeýge ketken. Keıin júktiń arasynan adam shyǵyp kele jatqanyn kórgen kassırler shuǵyl qaýipsizdik qyzmeti ókilderin shaqyrady.
Qaljyńbas jigitterdiń arasynda atyshýly tártip buzýshy Nazar Rollan da bolǵan.
Aıta ketý kerek, Nazar Rollan esimdi 20 jastaǵy jigit ál-Farabı dańǵylymen qarsy baǵytpen júrip jelini shýlatqan bolatyn.
Bul kórinistiń vıdeosy áleýmettik jelilerde tarap, kópshiliktiń ashý-yzasyn týdyrǵan. Keıin dańǵoı júrgizýshini qalalyq polıtsııa ustap, shara qoldanǵan. Almaty qalasynyń Ál-Farabı kóshesinde jol erejesin óreskel buzǵan 20 jastaǵy jigit óziniń istegen isine ókinetindigin aıtyp vıdeo jarııalaǵan edi.
