Almaty áýejaıyndaǵy oqıǵa jolaýshylardy shoshytty
ALMATY. QazAqparat - Almaty áýejaıynda estilgen jarylys jolaýshylardy shoshytty, dep habarlaıdy QazAqparat tilshisi.
Tótenshe jaǵdaı týraly qalalyq áýejaıdyń baspasóz qyzmetinen habarlady.
Tars etken dybys Halyqaralyq áýejaıdyń telekommýnıkatsııalyq qural-jabdyǵy ornalasqan bólimnen shyqqan.
«Bólimde órt sóndirýdiń gaz júıesin testileý kezinde tars etken dybys shyqty. Testileý jumystaryn qyzmet kórsetý kompanııasynyń ókilderi júrgizgen. Júıeni iske qosqan kezde aýada qatty tars etken dybys etildi. Bul dybys termınaldaǵy jolaýshylardyń nazaryn birden aýdardy», - dedi áýejaıdyń baspasóz qyzmetinen.
Tótenshe jaǵdaıdan eshkim zardap shekpegen.
Almaty Halyqaralyq áýejaıy men merdiger kompanııa ókilderi bolǵan oqıǵanyń mán-jaıyn anyqtap jatyr.
