Almaty áýejaıynda jolaýshynyń qaltasynan esirtkige uqsas zat tabyldy
ALMATY. QazAqparat - Almaty áýejaıynda jolaýshynyń qaltasynan esirtkige uqsas zat tabyldy, dep habarlaıdy QazAqparat tilshisi Áýejaıdyń baspasóz qyzmetine silteme jasap.
Kúdikti jolaýshy Almatydan Atyraýǵa baǵyt alǵan reıske otyrmaq bolǵan.
Áýe qaýipsizdigi qyzmetiniń baqylaýshylary jergilikti ushý termınalynda jolaýshynyń qaltasyn teksere kele jasyl tústi esirtkige uqsas zatty tapty.
Er adam birden áýejaıdaǵy polıtsııanyń jelilik bólimine jetkizildi.
Tárkilengen zat Sot saraptamasy ınstıtýtyna taldaýǵa jiberildi.
Tájirıbeli tergeýshilerdiń aıtýynsha, ol ósimdikten jasalǵan esirtki bolýy múmkin.
