Almaty áýejaıynda janarmaı tapshylyǵy taǵy da baıqaldy
ALMATY. QazAqparat - Almaty áýejaıynda avıatsııalyq janarmaı jetispeı jatyr. Bul týraly áýejaıdyń baspasóz qyzmeti málim etti, dep habarlaıdy Qazaqparat tilshisi.
«Avıatsııalyq otynmen qamtamasyz etýdegi úzilisterge baılanysty Almaty halyqaralyq áýejaıy jolaýshylar reısin jáne kommertsııalyq júkteri bar reısterdi janar-jaǵarmaımen qamtamasyz etý maqsatynda tehnıkalyq jaǵdaıda qonǵan reısterge janarmaı quıýdy toqtatý múmkindigin qarastyrýda. Áýejaı qoldan kelgenniń bárin jasap jatyr», - delingen habarlamada.
Buǵan deıin Almaty halyqaralyq áýejaıy úzdiksiz jumysyn qamtamasyz etý maqsatynda turaqty jolaýshylar reısine janarmaı quıý kólemin shekteý jáne birrettik charterlik reısterge janarmaı quıýdy toqtatý týraly sheshim qabyldaǵan bolatyn.
QR Indýstrııa jáne ınfraqurylymdyq damý mınıstrligi elorda áýejaıy men «SKAT» áýe kompanııasynyń avıaotyn jetispeýshiligine qatysty málimdemelerine pikir bildirgen bolatyn.
