Almaty áýejaıynda jańa ushyp-qoný alańy ashyldy

Burynǵy ushý-qoný alańy mamyr-qarasha aılary aralyǵynda qaıta jóndeýden ótken bolatyn. Endi jańa nysandar ushaqtardy túrli jaǵdaıda qabyldap, aýa raıyna qaramastan aerodromnyń jumys isteýin qamtamasyz etpek.

Alańnyń ashylýyna qala ákimi Baýyrjan Baıbek qatysty.

 

Jeke  ınvestıtsııa esebinen jolǵa sapaly materıal tóseldi. Jyldamdyqty eki jańa jol salyndy, jaryq sıgnalynyń jańa júıesi ornatyldy, elektr jabdyqtary tolyq almastyryldy. Nemister jasaǵan jaryq sıgnalynyń jańa júıesi IKAO-nyń «III B» kategorııasynyń talaptaryna saı jáne ushaqtardy kórý múmkindigi shekteýli kezde de qabyldaı beredi. Sonyń arqasynda Almaty aerodromyna aýa raıy esh áser etpeıdi.

 

«Buryn  iri tasymaldaýshylar tumannyń saldarynan qona almaı, 7,5 mln dollarǵa deıin shyǵynǵa ushyraıtyn. Bul másele endi sheshildi. Onyń ústine, aerodromda qar tazalaıtyn  mashınalalar daıyn, olar keńdigi segiz metrlik qar tazalaǵyshtar,  muzǵa qarsy tehnıkalardyń 1,5 jyldyq  mln lıtr qory bar, sonymen birge áýe jolaqtaryn  muzdan qorǵaıtyn  qurǵaq qospalar - reagentter de jetkilikti. Bizdiń mindetimiz sapany arttyryp,  servısti jaqsartý. Áýejaı qysqy navıgatsııaǵa tolyq daıyn», - dedi Almaty halyqaralyq  áýejaıynyń prezıdenti Aıbol Bekmuhambetov.

 

Aıta ketý kerek, áýe jolaqtarynyń arqasynda jumys tıimdiligi de artyp, áýe kemelerin qabyldaý jaqsardy. Keler jyly aerodromda saǵatyna 24  ushyp-qoný operatsııasyn jasaýǵa múmkindik týady.

Aıta keteıik, búgin sondaı-aq Almatyda áýejaıy mańyna jaqyn ornalasqan  Beıimbet Maılın kóshesinde Kishi Almaty ózeniniń ústimen ótetin kópir paıdalanýǵa berildi.

   

Salynǵanyna 50 jyldan asqan nysan apatty jaǵdaıda bolatyn.

Kópir konstrýktsııalaryn jańartý barysynda qurylystyń temirbeton qondyrǵylary tolyq jańaryp, monolıtti temirbeton plıtkalary ornatyldy, kópir tirekteri almastyryldy, ınjenerlik jeliler qaıta  salyndy.

 

Foto: Vladımır Tretıakov