Almaty áýejaıynda ushaqtarǵa janarmaı quıý shekteldi

ALMATY. QazAqparat - Almaty halyqaralyq áýejaıy avıatsııalyq janar- jaǵarmaı tapshylyǵyna baılanysty málimdeme jasady, dep habarlaıdy QazAqparat tilshisi.

«Almaty halyqaralyq áýejaıynyń úzdiksiz jumysyn qamtamasyz etý maqsatynda turaqty jolaýshylar reısine janarmaı quıý kólemin shekteý jáne birrettik charterlik reısterge janarmaı quıýdy toqtatý týraly sheshim qabyldandy. Bul sharalar Qazaqstandaǵy avıatsııalyq janarmaı tapshylyǵyna baılanysty qabyldandy»,- dedi Almaty halyqaralyq áýejaıy baspasóz qyzmetiniń jetekshisi Naılıa Jabagına.

Buǵan deıin QR Indýstrııa jáne ınfraqurylymdyq damý mınıstrligi elorda áýejaıy men «SKAT» áýe kompanııasynyń avıaotyn jetispeýshiligine qatysty málimdemelerine pikir bildirgen bolatyn.