Almaty áýejaıynda Túrkııadan jalǵan qujatpen ushyp kelgen áıel ustaldy
ALMATY. QazAqparat - Almaty áýejaıynda Reseıdiń jalǵan tólqujatyn usynǵan áıel ustaldy, dep habarlaıdy QazAqparat QR UQK ShQ baspasóz qyzmetine silteme jasap.
«Almaty halyqaralyq áýejaıynda shekarashylar «Ystanbul-Almaty» baǵytymen ushyp kelgen TK-350 áýe reısin resimdeý barysynda, tekserýge qoldan túzetilgen tólqujat usynǵan áıeldi ustady. Óte sheberlikpen túzetilgen tólqujattyń jalǵan ekendigin arnaıy apparat anyqtamaǵanda, jaı kózben tanyp-bilý múmkin emes edi», - delingen habarlamada.
Tólqujat boıynsha, ustalǵan Reseı azamatshasy bolatyn. Alaıda, tekserý barysynda shekarashylar onyń ózbekstandyq ekendigin anyqtady.
Shekara qyzmetiniń málimetinshe, Qazaqstan Respýblıkasynyń «Memlekettik shekara týraly» zańynyń 19- baby 10-tarmaǵyna sáıkes, ustalǵan áıel azamattyǵy boıynsha óz eline deportatsııalandy.
