Almaty áýejaıynda terrorısterge qarsy «kúres júrgizilýde»
Terrorızmge qarsy kúres jónindegi qalalyq jedel shtabtan habarlaǵandaı, Almaty halyqaralyq áýejaıy terrıtorııasynda josparly oqý-jattyǵý sharalary 27 qyrkúıekke belgilengen.
«Oqý-jattyǵýdy ótkizýdegi maqsat - terrorıstik sıpattaǵy qaýip-qater tóngen kezde ózara áreket etý daǵdylaryn pysyqtaý. Jattyǵýlar áýe kóligindegi lańkestiktiń jolyn kesý mehanızmderin jetildirýge baǵyttalǵan», - delingen habarlamada.
Atalǵan sharaǵa baılanysty áýejaı terrıtorııasynda shekteý sharalary qolǵa alynbaq.
Jedel shtab ókilderi turǵyndardan ótkiziletin sharalarǵa túsinistikpen qaraýǵa ótinish bildirip otyr.
«Atap aıtqanda, qaýipsizdik sharalaryn saqtap, júretin marshrýttaryn aldyn ala belgileýge, oqý-jattyǵýǵa jumyldyrylǵan memlekettik organ ókilderiniń aıtqanyn buljytpaı oryndaýǵa shaqyramyz. Memlekettik bılik ókiliniń talabyn oryndamaǵan jaǵdaıda QR ÁqbK 443-babyna sáıkes ákimshilik jaza taǵaıyndalatynyn aıta ketkimiz keledi»,- dedi shtab ókilderi.
