Almaty áýejaıynda tekserýdiń kúsheıýine baılanysty uzyn-sonar kezek paıda boldy
ALMATY. QazAparat - Búginen bastap Almaty halyqaralyq áýejaıynda tekseris kúsheıtiledi. ıAǵnı, áýejaıǵa kire beristegi termınalda qosymsha tekserý jelisi qoıyldy. Jolaýshylar adamdardyń kóptigine shaǵymdana bastady, dep habarlaıdy QazAqparat tilshisi.
Áýejaıdyń baspasóz qyzmeti tekserýdi kúsheıtý týraly sheshimdi Qazaqstannyń avıatsııa ákimshiligi jedel-profılaktıkalyq sharalarǵa baılanysty qabyldaǵanyn túsindirdi.
«Biz dereý daıyndaldyq, túnde áýejaıǵa kire beristegi termınalǵa qosymsha tekserý jelisi qoıyldy. Endi ekinshisin birinshi qabatqa ornatyp jatyrmyz. Qosymsha tekserýge baılanysty jolaýshylardan áýejaıǵa erterek kelýdi suraǵan bolatynbyz», - dep jaýap berdi áýejaıdyń baspasóz qyzmeti.
Aıta keteıik, qosymsha qaýipsizdik jelileri 14 qazanǵa deıin ýaqytsha ornalastyryldy.
Áýejaı ákimshiligi jolaýshylardan reısterine keshigip qalmas úshin erterek kelýlerin suraıdy.
