Almaty áýejaıynda sómkesine oq-dári salyp alǵan eki sheteldik ustaldy
ALMATY. QazAqparat – 28 qyrkúıekte kóliktegi polıtsııa qyzmetkerleri 64 jastaǵy er adam men 43 jastaǵy áıeldi ustady. Ekeýi de - Germanııa azamaty, Qazaqstanǵa «Almaty-Frankfýrt» áýe reısimen ushyp kelgen, dep habarlaıdy QazAqparat kóliktegi polıtsııa departamentiniń baspasóz qyzmetine silteme jasap.
Tekserý kezinde olardan 30-06 mm jáne 300 mm kalıbrli patrondar tabyldy.
«Polıtsııanyń jelilik bóliminiń qyzmetkerleri Almaty qalasynyń áýejaıynda ustalǵandarǵa qatysty QR ÁQBtK-niń 484-babynyń 1-tarmaǵy boıynsha ákimshilik hattama jasady. Árqaısysyna 10 AEK (29170 tg) mólsherinde ákimshilik aıyppul salyndy», - dep habarlady kóliktegi PD baspasóz qyzmeti.
Sonymen qatar, sol kúni Almaty qalasynyń áýejaıynda 1979 jyly týǵan Almaty oblysynyń turǵyny ustaldy.
Ol Nur-Sultan qalasyna ushyp bara jatqan áýe kemesiniń bortyna elektr eseńgiretkishpen kirýge tyrysqan.
Atalǵan fakti boıynsha QR ÁQBtK-niń 482-babynyń 1-tarmaǵy boıynsha ákimshilik hattama toltyryldy.
Qazirgi ýaqytta tárkilengen zat boıynsha sot-elektrotehnıkalyq saraptama taǵaıyndaldy.
