Almaty áýejaıynda shý shyǵarǵan jolaýshy reısten alyndy
ALMATY. QazAqparat - Almaty áýejaıynda «Almaty-Astana» baǵytynda ushqaly turǵan Air Astana reısiniń ýaqyty bógeldi. Buǵan jolaýshynyń shý shyǵarýy sebep boldy, dep habarlaıdy QazAqparat tilshisi.
«Almaty áýejaıy» AQ baspasóz qyzmetiniń habarlaýynsha, tártip buzǵan jolaýshy destrýktıvti áreketi úshin reısten alynyp tastaldy.
Sonymen qatar, Almaty-Atyraý baǵytyndaǵy KS885 reısi josparlanǵan rezervtegi ushaqtardyń joqtyǵynan bógelip ushty.
Almaty-Bangkok baǵytyndaǵy KS931 reısiniń ushaǵynan tehnıkalyq aqaý tabylǵan soń, ornyna basqa ushaq aýystyryldy. Sonyń kesirinen atalǵan reıs ýaqytynan keshigip ushty.
Sondaı-aq, Scat áýe kompanııasynyń Almaty-Óskemen baǵytyndaǵy DV725 reısi, Almaty-Qostanaı baǵytyndaǵy DV729 reısi, Almaty-Shymkent baǵytyndaǵy DV706 reısi ushaqtyń keshigip kelýine baılanysty bógeldi.
Qazir Almaty áýejaıynda vertıkaldy kórinis 1100 m, gorızontaldy kórinis 10 000m. Ushaqtardy qabyldap, ushyrýǵa shekteý joq.
Illıýstratıvnoe foto ız otkrytyh ıstochnıkov
